Uzcard va Humo
Istalgan Uzcard yoki Humo kartani qo‘shing va asosiy kartani tanlang. Pul shu kartadan yuboriladi va shu kartaga yechiladi.
Bitim tugamaguncha
pulingiz seyfda turadi
SeyfPay xaridor va sotuvchi o‘rtasida kafil bo‘ladi: pul sotuvchiga faqat siz tasdiqlaganingizdan keyin o‘tadi.
Onlayn savdodagi eski savol: kim birinchi to‘laydi?
“Pulni o‘tkazsam-u, tovar kelmasa-chi?”
“Tovarni jo‘natsam-u, pul kelmasa-chi?”
SeyfPay bu savolni yo‘q qiladi. Xaridor pulni seyfga qo‘yadi, sotuvchi pul joyida ekanini ko‘rib tovarni jo‘natadi. Pul esa bitim yakunlangandagina egasiga yetadi.
Qanday ishlaydi
To‘rt qadam, ikki tomon uchun ham ochiq
-
Pul yuborasiz
Sotuvchining telefon raqami, summa va maqsadni kiritasiz. O‘tkazmani SMS kod bilan tasdiqlaysiz.
-
Pul seyfda turadi
Mablag‘ kartangizdan yechiladi, lekin sotuvchiga hali o‘tmaydi. Holatni ikkalangiz ham ilovada ko‘rasiz.
-
Tovarni olasiz
Sotuvchi tovarni yetkazadi yoki xizmatni bajaradi. Savol bo‘lsa, bitim chatida yozishasiz.
-
Tasdiqlaysiz
“Bitim amalga oshdi” tugmasini bosasiz. Pul darhol sotuvchiga o‘tadi va u uni kartasiga yechib oladi.
Kelishmovchilik bo‘lsa, pul joyida qoladi
Tovar kelmadimi yoki sifatsiz chiqdimi? Ilovada nizo oching. Nizo hal bo‘lguncha pul hech kimga o‘tmaydi, moderator esa ikkala tomonni ham tinglaydi.
Kelishsangiz
Sotuvchi qaytarishga rozi bo‘lsa, pul kartangizga qaytadi. Tovar yetib kelsa, bitimni yakunlaysiz va pul sotuvchiga o‘tadi.
Kelisha olmasangiz
Qarorni moderator chiqaradi. Bitim chatidagi xabar va rasmlar dalil sifatida saqlanadi.
Har kungi savdo uchun kerakli hammasi
MyID orqali tasdiqlangan foydalanuvchilar
Har bir hisob pasport ma’lumotlari bilan tasdiqlanadi. Kim bilan savdo qilayotganingizni bilasiz.
Monitoring va kvitansiya
Barcha bitimlar bir joyda: bugun, hafta, oy yoki o‘zingiz tanlagan sanalar. Har bir to‘lov uchun fiskal kvitansiya saqlanadi.
Bildirishnomalar
Qo‘llab-quvvatlash chati
Savol tug‘ilsa, ilovaning o‘zida yozing. Javob shu yerda keladi.
Kimlar uchun
Oldindan to‘lov kerak bo‘ladigan har qanday savdo uchun, ayniqsa tomonlar bir-birini tanimasa.
Instagram va Telegram do‘konlari
Yangi mijoz oldindan to‘lashdan qo‘rqmaydi, siz esa pul kelishini kutib o‘tirmaysiz.
E’lon orqali oldi-sotdi
Telefon, texnika yoki boshqa qimmat buyumni notanish odamdan olayotganda.
Frilanserlar va buyurtmachilar
Buyurtmachi pulni oldindan seyfga qo‘yadi, ish topshirilgach to‘lov o‘tadi.
Xizmat ko‘rsatuvchilar
Ta’mirlash, dizayn, o‘qitish: xizmat bajarilganini tasdiqlash bilan to‘lov.
Har bir qadam tasdiq bilan
Pul bilan bog‘liq har bir amal sizning roziligingizsiz bajarilmaydi.
Har bir o‘tkazma SMS kod bilan tasdiqlanadi.
Ilovaga PIN-kod, barmoq izi yoki Face ID bilan kirasiz.
Hisobingizga yangi qurilmadan kirilsa, darhol xabar olasiz.
Nizo chatidagi rasmlarni faqat bitim ishtirokchilari va moderator ko‘ra oladi.
Ko‘p beriladigan savollar
Komissiya qancha?
Komissiya o‘tkazmani tasdiqlashdan oldin ekranda ko‘rsatiladi: o‘tkazma summasi, komissiya va umumiy summa alohida yoziladi. Yashirin to‘lovlar yo‘q.
Pul sotuvchiga qachon o‘tadi?
Siz “Bitim amalga oshdi” deb tasdiqlaganingizda. Undan oldin pul seyfda turadi va uni sotuvchi ham, boshqa hech kim ham ololmaydi.
Sotuvchi tovarni yubormasa-chi?
Nizo oching va “Bitim amalga oshmadi”ni tanlang. Sotuvchi rozi bo‘lsa, pul kartangizga qaytadi. Rozi bo‘lmasa, qarorni moderator chiqaradi.
Sotuvchi sifatida pulni qanday olaman?
Xaridor bitimni tasdiqlagach, pul SeyfPay hisobingizga tushadi. Uni “Naqd olish” bo‘limi orqali o‘z kartangizga yechib olasiz.
Qaysi kartalar ishlaydi?
O‘zbekistonda chiqarilgan Uzcard va Humo kartalari.
Eng kam summa qancha?
Bitta o‘tkazma kamida 1 000 so‘m bo‘lishi kerak.
Nega MyID orqali tasdiqlash kerak?
Firibgarlikning oldini olish uchun. Har bir hisob ortida haqiqiy, tasdiqlangan shaxs turadi va nizo chiqsa, javobgarni topish mumkin.
Keyingi savdongizni seyf orqali qiling
Ilovani o‘rnating, kartangizni qo‘shing va birinchi bitimni bir necha daqiqada boshlang.
Yuklab olingGoogle Play
Tez kundaApp Store